حنا والشغالات !!

آلســـــلآم عليكم

فيه موضوع ودي أتكلم عنها ..
من سالفة الخادمة اللي قتلت العروسة .. الله يرحمها ..
ويغفر للخادمة .. آمين...

بعد هذه الحادثة الناس قلبت على كل شخص ينتمي
لهم ..ويتعوذو من شرهم ...رغم أنهم عندنا مالين البيوت ماشفنا
منهم شر ...
واللي قامت تتنازل عن شغالتها ... واللي وقفوا الإستقدام ...
ليه هذا كله ؟؟؟ نحكم على بلد كامل من شخص ...
الإندونيسيات عاثوا في الأرض فسادا ... وماسويتوا شيء بالعكس ..
للأن نستقدمهم ونأمنهم على بيوتنا وأطفالنا ..

يعني اللي حطت السم للطفل في الرضاعة عادي ؟؟؟
اللي تهرب وتسرق وتعلم أطفالنا الأمور الجنسية عادي ؟؟؟
الي تخون صاحبة البيت مع زوجها أو ولدها عادي ؟؟؟
وولا يعني عشان هذي القضية ضخمها الأعلام ؟؟

كيف تحكمون ؟؟

الشيء الثاني اللي بقوله ..
تتوقعون إن الخادمة جاية من بلدها .. وتاركة أطفالها وأهلها عشان
تقتل وتذبح وتسوي البلاوي وهي عارفة إن العقاب في بلادنا عسير ؟؟

معاملتنا للخدم لها دور كبير في اللي يصير منهم منبلاوي نسمعها
كل يوم ...

أنا ما أقول كلهم مساكين وطيبين ...
بس تقريبا 70% من مشاكل الخدم .. مما كسبت أيدينا ....

تروحين السوق وتشترين وجبة دبل ديلوكس ولكل طفل وجبة ..
وتجمعون للشغالة شوية بطاطس من كل وجبه أو تعطونها الباقي
منكم ... عادي ؟؟؟

ترمين لها طفل تعبان طول الليل يصيح .. وتوصينها تصحى كل أربع
ساعات تعطيه العلاج وتنامين أنتي قريرة العين طول الليل ..
والمفروض هي تصحى قبلك تنضف وتكرف ... عادي ..؟؟؟

-في السوق تجر عربية .. وتشيل أكياس .. وتلاحق أطفال ..عادي ؟؟؟
- جاكم ضيوف والبوفيه طول بعرض مما لذ وطاب ..ويوم قضى الأكل
جات تنضف وعينها على الفتات الباقي . عادي ؟؟
جاء العيد وفرفرتي كل الأسواق .. ولبستي وكشحتي ..
ورميتيلها لبس قديم من عندك مقاس مليون لارج .
. أو شريتي لها قميص وأستكثرتي عليها تنورة وبلوزة من الهرم ...
عادي ؟؟؟

وحده اعرفها جاتها شغالة نيبالية جديدة وعمرها 19 سنة ... كوت الطرحة
وحرقتها ... طبعا جارتي بكل حنية وعطف .. أخذت الشغالة وحطت
يدها تحت الموية الحارة ..
وبعدها لبست عباتها وراحت للتحفيظ .. وقالت لهاأنتبهي للعيال .؟؟؟

تقول خالتي قالت لي شغالة سيريلانكية في شؤون الخادمات ... إحنا نجي من بلادنا معانا أرقام السمسارهنا عشان نهرب.. ونشتغل
لأنهم يقولونا هناك .. كل السعوديين مو كويسين اهربي عشان تشتغلي بفلوس أكثر ...
ولا تقعدي للذل بفلوس قليلة .
يمكن يكون الموضوع مكرر .. بس للأسف الناس للأن ترمي الشر على غيرها ..والخير لها ...
وكل ماسوت شغالة مصيبة قالوا والله كنا نعاملها مثل وحده من عيالنا ...

وروى أبو بكر الصديق رضي اللَّه تعالى عنه عن النبي صلى اللَّه عليه وسلم قال "لا يدخل الجنة سيء الملكة أكرموهم إكرامكم أولادكم وأطعموهم مما تأكلون.

قلت يا رسول اللَّه ما ينفعنا من الدنيا؟

قال فرس تربطه تقاتل عليه في سبيل اللَّه ومملوك يكفيك، وإذا صلى فهو أخوك".

وروى أبو ذر رضي اللَّه تعالى عن النبي صلى اللَّه عليه وسلم قال "إخوانكم خولكم جعلهم اللَّه تحت أيديكم، فمن كان أخوه تحت يده فليطعمه مما يأكل ويلبسه مما يلبس ولا تكلفوهم فوق طاقتهم فيما تستعملونهم، فإن كلفتموهم فأعينوهم"

وروى عن النبي صلى اللَّه عليه وسلم أن رجلاً سأله فقال : كم نعفو عن الخادم

قال كل يوم سبعين مرة"

شكرررررررررررا لكي 100

تسلمي وشكرا لكي علي المرور الجميل دا