أنت قدري / بقلمي , كاملة

عندما تعصف بنا رياح الواقع لنسقط على صخور الأحقاد وتبنى من حولنا أسوار شائكة من شر لا يمكن الخروج منا إلا بزلزال لحب يجعل الأرض التي بنيت عليها تبتلعها وتنبت بدلا منها زهور الود الوردية تكون ((أنت قدري))

رواية اختلطت بها مشاعر لإنسانه وجدت نفسها تدفع ثمنا لماضي ليس لها منه شيء سوي اسمها وعائلة لا تعرفها....
روايتي لا تشبه الواقع إلا بحب يشبه بعضة في كل مكان وزمان منذ ولادة الإنسان ...ووجود المشاعر
.
.
.
.
.
.
.
صبية في غاية الجمال ذات شعر اسود طويل ناعم به لمعة توحي بحياته ورونقه ...عيون واسعة ورموش طويلة دقيقة الأنف مكتظة الشفتين عمرها 21 سنه في السنة الثالثة في جامعة واشنطن قسم إدارة الأعمال تسكن مع والدها المهاجر قبل ولادتها إلي الولايات المتحدة الأمريكية ...
وفي بيت العائلة يكن معها جدتها مريم والدة أبوها أختها الكبرى سلمى27 سنه وأخوها عادل 19سنه
أما والدتها فقد توفت أثناء ولدتها لأخر العنقووود عادل
ولوجود الجدة في البيت الأسرة تحافظ علي اللغة العربية واللهجة السعودية وممنوع منعا باتا أي كلمه باللغة الانجليزية.............
علشان الجدة تفهم........

في صالة الأكل لفيلا عبد الله التاجر ورجل الأعمال الذي بني نفسه بنفسه من الصفر
الجدة :وين مستعجل افطر ياوليدي تقل ملحوق يا دافع البلا
عادل: ابي الحق ع الكلية يا الغالية أنا تأخرت
الجد: طيب كاسة حليب ما هي بمأخرتك تعوذ من إبليس وقعد
عادل : علشان خاطرك هااا (وشرب الحليب بسرعة) أح أح أكلت فمي الله يهداك ياجدة ما قلتي حاره
الجد: تركد الدنيا ما هي طايرة
ابو عادل : اتركيه يمه هذا إذا ترك طبعة يموت ....دايم ينام إلي أخر الوقت بعدين يروح يسابق زوله مدري متى يتعدل ويعرف قيمة الوقت
عادل: يالله مع السلامة ......... ولا تحشون فيني
الجدة: ولد !!! ه
أبو عادل : فمان الله يبه ....( بصوت عالي ) لا تسرع خل بالك من الطريق
أنزلت مها من فوق وهي تربط شعرها على فوق وما مرت على السفرة وبنظره عابرة قالت : صباح الخير ياحبي ( ترسل بوسة لهم )
ابو عادل : وشفيك انتي بعد تعالي افطري
مها وهي مستعجلة : بالجامعة ... بالجامعة ... مع السلامة تأخرت
ركبت سيارتها .. ومرت أخذت صديقاتها...هدى (الكويتية ) و أمل ( البحرينية)
مغتربات للدراسة
مها تحب العرب وتحس بالانتماء لهم غير صديقاتها الأجنبيات اللي كلامها معهم قليل جدا لدرجة ان اللي ما يعرفها ما يظن انها من ولادتها موجودة في أمريكا وما شافت السعودية ولا مره

أمل: طافكم امس مستر جو تخانق مع جون وطرده برى المحاضره
هدى : ويييي ليتني بقيت ودي اشوف جوزيفووووه يتهزأ
أمل : حلمي.. حبيبتي ألا اهو اللي مسح بكرامة جون القاع ولا هز له اشعره
مها: وجون قعد ساكت معقوله ماقال شيء
امل: امبلا ...بس قوة شخصية جو وصوته العالي خلا جون ينجب ولا كلمه وطلع مثل الكلب
يمااااااااااااااااه انا بمكاني مت
مها: والله مدري على وش جوزيفوووه شايف نفسه
هدى: لو اني بمكان جون هي خاربه خاربه بالكتاب اصكه على خشمه اكسره له ..ولا مسخرة الطلبة وعقاب الكلية علي بلاش
مها : يا كررررهي .... كله استاذ ماجستير وشايف نفسه يحسب نفسة دكتور هو ونظارته كنه ارجوز
أمل : والله انه محترم مدري ليش تكرهونه
هدى : أمانه... وتسألين اشو جربي ماتعرفين سؤال من أسألته السخيفة وشوفي ليش اكرهه
أمل: عاد أنتي يا مها شاطره ومو سبب تكرهينه علشانه
مها : شايف نفسه مغروور على ايش مدري
أمل : بالعكس عاد مهتم فيج (وتنط هدى )
هدى : وكلا يطالعج ........... ويسأل عنج ........ وير أز مها ... وير أز مها ......ه
مها : زين .. زين ....... انزلوا وصلنا لا يقول قيراوت مها
الجميع :هه

في البيت
عبد الله : ها يمه توصين على شيء
الجدة : سلامتك يمه ........ ماتشوف شر
سلم على راسها وطلع
الجدة قعدت تستغفر ربها وهي تفكر وتقول في قرارة نفسها ... آه يا أمريكا كلك ماتعوضين قلبي عن بيتي الشعبي اللي بقريتي...... يالله خمس وعشرين سنه مرت ... ولا شميت ريحة ترابك ...ولا شفت وجه من اوجيه اهلي .. ما غير هالوجيه الباردة اللي ماهم العوض بناسي وأهلي بس الله يجازيك يا أحمد يوم انك .. ( وتنقطع افكارها بصوت سلمى بنت ولدها الكبيره )
سلمى :صباح الخير يا وجه الخير
الجده : هلا يمه متى جيتى هنا .. ماشفتك
سلمى : من وقت وانا هنا بس انتي ماانتي هنا
الجدة ( بحزن) : لا تواخذيني ياوليدي
سلمى (بخبث) : وانتي وش تفكرين فية ؟؟؟ وين سرحانة عسى ماهو مع سمث شايب جيرانا هههه
الجده (وهي تحرك عصاها لتخويف سلمى ): بنت!!!
سلمى : ه والله ياجدووده اللي يشوفك يقول عاشقه
الجده : اقول ترى اقوم عليك .. واخلى خالد مايشوف منك الا زراق ..مار احترمي نفسك
سلمى : لالا خلاص تعوذي من بليس ( وهي تمسك طرف العصا المرفوع )
الجدة: أعوذ بالله منك يا إبليس .... اقعدي افطري
سلمى : طبعا ابي اقعد كني امس ماني متعشية
الجدة : زين سمي ... بس
سلمى (وهي تمد يدها تبتاكل ): وين ربعك ؟؟
الجدة : اليوم صاحية رايقة .. وشو ربعي بعد
سلمى : هههه اقصد ابوي وعادل ومهوش
الجدة: اهاااا راحوا دواماتهم .... الا انتي ماعندك دوام ؟؟؟
سلمى : اقوم ... يعني ماافطر
الجدة: لا... اقعدي انا بس اسعلك ( اسألك )
سلمى : يوووووو جدوووده ولا كنها عاشت بامريكا 25 سنه قولي (أي اسك يوي)
الجدة: ايه .. ايه ماعندك دوام ولا اخليهم يسوون لنا قهوه وتغثيني وتقهوين معى
سلمى : بعد...أغثك ماهو أونسك واسولف عليك واقصدلك امدحي شوي والا والله العظيم اطلع لي شغل من تحت الارض واروح
الجدة: تدرين ياسلمى ان ونستي بالدنيا انتم ياوليدي ..( قامت الجده واقفة وعيون سلمى اتابعها ) اجل ابي اقولهم يسوون لنا قهوه بعد ما تفطرين مشان (علشان) تقرين لي من هالقصيد اللي يرد الروح
سلمى : من اعيوني ...ياعيوني بس افطر اصير لك قصيده
الجدة : ياقصيدة عمري انت
سلمى :هه كذا الكلام لاتخليني اصير شاعرة الحين
الجدة : لا لا ما يحتاج بس افطري وقري لي ولا انتم ياقوم يس ونو وش فهمكم بالشعر
سلمى : ردينا يامريم ترى اهون

في الجامعة
دخلن البنات القاعة .. مع باقي زملائهم ينتظرون الأستاذ جوزيف دخل طالب اسمه سام ... ونادى مها خارج القاعة ...... مها أول ما شافته غطت وجهها بأيدها وضحكت وقالت : اووووه نسيت كتاب الخبل هذا وش اقول
هدى: خليه يولي يامعوده الحين ايي اليني الناثي وينسيك نفسك
مها : مااقدر اطنشه ابي اطلع اتفاهم معاه قبل يجي جوزيفوووه
أمل : لا تتأخرين ترى هذاك ماينقال عنه
مها : لا بدري
طلعت مها وباقي على المحاضرة خمس دقايق
(أعزائي القراء الكلام مترجم باللغة العربية الفصحى )
سام : اهلا ميمي
مها : مرحبا سام
سام : اين انت لم ارك منذ اسبوع
مها: انا لا انني لم اتغيب يوم واحد
سام : على العموم اريد الكتاب الذي بحوزتك إذا كنت قد انتهيتي من قراءته
مها : أسفه نسيته اليوم ولكن سأحضره غدا
سام : ولكن لا تنسيه غدا
مها : اوكيه حبي
سام (الابتسامة تملا وجهه) : انا حبيبك ههه اذا متى نتزوج يا جميلة
في هذة اللحظة مر الأستاذ جوزيف الي القاعة .. وشافته مها
مها( وهي منشغلة بدخول الأستاذ وما تدري وش تقول) تبلع ريقها وتقول: بعد المحاضرة يا سام قد دخل الآن الأستاذ
سام (بصوت عالي): بعد المحاضرة إما الكتاب أو الزواج ههه

استاذ جوزيف : صباح الخير
الجميع : صباح الخير أستاذ (بأصوات منخفضة ومتفرقة )
دخلت مها في هذه اللحظة
مها: ممكن ان ادخل
الاستاذ جوزيف :لا
مها : ولكن انا جئت قبل مجيأك حتي انظر هذه اغرضي على الكرسي وخرجت لشأن ما!!
استاذ جوزيف : لا ابقي في الخارج لما هو اهم ... فموعد زواجك اهم من المحاضره
الجميع:هههه
مها ( وعيونها مليانه غضب ) :احترم نفسك!!!!
استاذ جوزيف ( بغضب): ابقي على احترامك واخرجي
مها (للحين محرجة من زملائها وبقمة زعلها) : أنت سخيف
استاذ جوزيف وبصوته العميق اللي يدل على رجوله مفعمه وبرود وغيرمبالاه بغضب مها:لا تتكلمي بهذه الطريقة ياانسة وإلا تحضري ايا من محاضرتي بعد اليوم
مها : ومن قال لك اني سوف احضر ( وبالعربي قالت: هه مسكين ) على فكره هذي لزمه عند مها
التفت الاستاذ جوزيف لباقي الطلبه اللي بدى الهمس بينهم والتعليقات من تحت لتحت وقال بصوت عالي : من اراد منكم ان يتبعها فاليتفضل ( واشر بيده على الباب)
قامت هدى وأمل على طول وطلعواا برى
هدى : وايضا نحن لن نحضر محاضراتك

في الممر بالجامعة

مها تبكي بحرقة
هدى : افا عليج الحين ليش تيجين خليه يولي يامعوده انسي السالفه
امل: مهوش والله ماعندج سالفه تراه اهو اللي اكل تبن
مها: هه هه ( تشاهق ) ماهمني هو هه هه بس تفشلت قدام الكلاس
هدى : حلفى والله اهو اللي تفشل وطاح ويهه بعد يالله يالله فكيها
أمل : يا لله عاد لا تقلبينها ادراما نبي ننسى خلينا نتونس شوفي حتى إحنا طلعنا ولا راح نحضر محاضراته اليهودي
مها : وانتم وش ذنبكم معاي
هدى: أول شيء انتي مو غلطانة علشان يكون لج ذنب .. وثاني شي الصديج وقت البجي ههه
الجميع : هههه

سام جاء لما شاف مها وشلتها

أمل شافته من بعيد مقبل عليهم وقالت وهي تلوي بوزها: ياكم الغثيث
التفتو عليه
هدى : كش !!!
سام : مرحبا ياجميلات ( مترجم )
هدى (بالعربي قالت لا هلا ولا مرحبا) وقالت من تحت ضرسها:هه هاي
أمل: مالت على ام(ن) يابتك عساها ماتكثر منكم
مها صدت الجهة الثانية علشان ما يشوف وجهها ويعرف انها بكت
سام: ماذا حدث ميمي؟ لماذا تذهبي بوجهك الجهة الأخرى؟ هل حدث مني ما يغضبك؟
أمل : مها متعبه قليلا تستطيع التحدث إليها مره آخري
هدى: آه سام بخصوص الكتاب انا سأحضره لك غدا هذا وعد مني
سام : لا لا الكتاب ليس مهما الاهم جميلتي هل هي بخير ؟؟
أمل (ياعلك الموت) : انها بخير ولكن متضايقة قليلا
سام : من الذي تجرأ على مضايقتها؟؟
هدى تكلم أمل: يعني لو قلتي له اللي صار مو أحسن ها...... مالت الخبله
أمل : وش أسووي الله يأخذه لزقه
هدى : هيه سام اذهب أنت الآن لدينا بعض الأمور يجب أن نقضيها
سام وكأنه فهم : هااااه اوكيه أتمني أن أراك دائما بخير يا جميلتي
هدى : ويي قطيعة مابغى
في هذى اللحظة مر الاستاذ جوزيف من جنب البنات ولا اهتم او التفت لهم
هدى : مصيبة صابت هالزول
مها: هدى خليه يولي
أمل: اخاف يفهم تراه يني
هدى : يفهم تبن في ويهه ولد الحرم
هنا التفت وعطاها نظره خلتها تغوص بملابسها وحست انه فهم لكنه ماتكلم بس عطاها هالنظره وكمل طريقه
أمل: يمااااااااااااااه والله فهم ... اقسم بالله فهم
هدى : سكتي آنا كليت تبن اقسم بالله بغيت ابجي
مها : يفهم منين اليهودي بس اسكتي انتي وياها
أمل : بيه روحي انت ماشفتي اعيونه جان ماقلتي جذي
هدى : لا يكون عربي وإحنا طايحين له مسبة
مها: ما أعتقد لا شكله يقول لا ولهجته أمريكي أمريكي ..يعني لو من ربعنا كان زلق بحرف بكلمه وانتوا خبره عاد وتلقطونه لا لا عربي مستحييييييييييييييييل
أمل وهدى: يمكن

في البيت
سلمى قاعدة تقهوى مع جدتها وتقرأ لها شعر ( اللي تعلمت قرأت العربي واجادته علشان خاطر جدتها بس)
سلمى ويقول الشاعر :
آه مـن دمع ٍ على خدي سفـح ** من فراق اللي على غيري شحيح
من فراقـه بالحشا قلبـي لفـح ** ساكن ٍ وسط الحشا حبه صحيح
من ربا صنعـا إلى غربـي رفـح ** ما سكن وسط الحشا غيره مليح
ان تعمدت الخطا عنـده صفـح ** خابـر ٍ قلبـي من اسبابه جريح
فـي غباب الحب انا قلبي طفـح ** هايـم ٍ ببحورهـا مـا يستريح
ريـح خلـّي مع هوى الغربي نفح ** مـن جـنان الخلد ريحه فيه ريح

الجدة: ريح..... صح لسانك ولاهان قايلها هذا الكلام اللي يرد الروح احس اني ليا سمعته ارجع ديرتي وسرحت الجدة(ودي ارجع اشم ترابهاقبل لا أموت واندفن هناك مليت من الغربه احس اعظامي جمدت منها ) وبكت

سلمى : جدوودة ... وبعدين معاك كل ماقريت لك هالشعر سويتي كذا ترى والله احرم ومعاد اقرى لك ولا كلمه
( وتقرب لها وتحضنها)
الجدة : خلاص يمه بس انه ماهو بيدي غصب عني
سلمى(ابعدت شوي علشان تشوف وجه جدتها) : اجل خلاص ماعاد نبيه هالشعر ولانجيب طاريه
الجدة: لا ياوليدي انت علشان مولودين هنا مانتم عارفين قيمته هذا هو سلوتي وهذي ياوليدي عبره وتروح (وتمسح دموعها بكفها) وتضحك وتقول بصوت واطي والله اني قويه والا ماصبرت كذا
سلمي :الله لا يحرمني من هالضحكة جدووده
الجدة تلتفت لها منتبهه
سلمى :ابي منك وعد انك ماتبكين قدامي ترى اتحطم
الجده: ما اقدر تتحطمين ولا بكيفك ( وتضحك)
سلمى: اجل ماتشوفين اللي يقرا لك وخليها اعناد ها ( وتبعد عن جدتها وتدير ظهرها)
الجدة: (تضرب ضربات خفيفه على ظهر سلمي لين ناظرتها)وقالت: ماتشوفين شر عندي ابو عادل الله لا يحرمني منه يقرا لي ويهيجن بعد (نوع من انوع الفن الشعبي السعودي)
سلمى : كذا زعلت( مدت بوزها تسوي زعلانه)
الجدة : سلومه ياعمري تدرين مااقدر على زعلك انت الغالية وانا امزح معاك تري انت الخير والبركه
سلمى : (وهى تبوسخدود جدتها ) ياعسى عيني ماتبكيك يالغالية
الجدة : عاد يالله اقري لي يوم انا تراضينا
سلمي وهي تحط يدها على راسها) ياويلييييييييي

بعد الظهر
رجعت مها للبيت ... وكان باين عليها إن نفسيتها ما هي رايقه من اللي صار بالكلية الصبح مها حساسة حيل وكل شي يبين علي وجهها حتى لو أن له فتره إلي أن يتصلح
لقت أبوها وسلمى قاعدين ينتظرونها هي وعادل يوصلون علشان متعودين يتغدون مع بعض يوم الاثنين والخميس لأنهم ما عندهم محاضرات متأخرة في هذي الأيام
مها: السلام عليكم
الجميع : وعليكم السلام
أبو عادل:يالله يبه مها.. بدلي بسرعه على مايوصل عادل ترى انا اليوم ...........(قاطعته مها)
مها: لا بابا تغدوا انتم انا ما ابي حاسه تعبانه
تدخل الجدة اللي كانت تصلي داخل غرفتها : مها وش ماتبين هي ترى كلها يومين اللي نجتمعهم علي الغدا ( تقرب الجدة اللي لاحظت وجه مها وتناظر فيها من قريب )وقالت : مهاااا وشبها اعيونك انتي باكيه
مها بتفاجئ:هه
مها تصد بسرعه عنها: لا ياحياتي وش باكيه ومنهو اللي يتجرا يبكيني اصلا
يقوم ابوها ويلف مها له لكنها تنزل عيونها تحت وقال : مها ناظريني
مها :يوووه انتم وشفيكم انا طبيعيه مافيني شيء بس نعسانه وابي انام علشان كذا يمكن عيوني تعبانه شوي
الجدة: وانا غشيمه عنك لا والله باكيه وباكيه
سلمى : اعترفي تراهم صااادوه ..... صاااااوده
مها : ترى مو وقتك ... وقتك ( بنفس الاسلوب)
ابو عادل: ياجماعة خلوها مصيرها قايله
مها : يالله عن اذنكم ( وطلعت وهي تقول في نفسها وشأقول بابا اني اتهزات وطاح وجهي ... اللي ماني قايلة)
الجدة: بنتي وانا اعرفها فيها شي
سلمى : اقلبتها دراما مريم بنت فرج تان تتتا
الجدة : وجعااا .. اليوم صايره طبينتي
ضحك الجميع ... لكن الجدة بقت مشغوله بحال مها

************************************************** ******
رجع جوزيف الي شقته المتواضعة اللي يشاركه فيها زميله وكان باين عليه انه متضايق

صديق جوزيف : يوسف وش بلاك خشتك مقلوبه

(((يوسف أو جزيف مثل ماكل الطلاب والطالبات يعرفونه بالجامعة هو طالب سعودي في مرحلة الدكتوراه عمره 30 سنه
طويل اسمر وهذا السمار يوحي بأنه يوناني أو ايطالي شارب خفيف شوي عيونه واسعة وهي تميزه مررره لأنه جميله ورموشها كثيفة وطويلة أما حواجبه كثيفة بس مرتبة انفه طويل بجمال شفايفه رقيقة لونها غامق من التدخين ...جسمه رياضي اكتاف عريضة شعره كثيف وناعم الي آخر رقبته
له هيبة في مشيته ولا يبتسم إلا نادرا يتكلم بلهجات عديدة ويجيدها وخصوصا الامريكيه أصدقاءه
خارج الجامعة وماله علاقات داخل الجامعة إلا مع الدكاترة الكبار بحكم الدراسة )))
يوسف: مافيه شئ..
محمد(هو أسم صديق يوسف في الشقة):لالالالاه..صدقتك أنا مره
يوسف : أقول محمد تراني تعبان مالي نفس أتكلم في شئ
محمد:وأنا وش ذنبي منتظرك من اليوم نبي نتغدى ... وجاي شكلك يقطع الخلف
يوسف: تغدى انت انا مالي نفس (يتكلم وهو متجه لغرفته)
محمد: تعال هيييي ياولد .....ولا حياة لمن تنادي وسيتغدي محمد لوحده مره أخرى لعنت الله عليك ياجو
(يطل يوسف براسه من باب الغرفه) يوسف: صحيني الساعة ست
محمد: والله لأخليك نومت أهل الكهف الحين انتظرك والغدى يبرد و آخر حلقه تبي تنام ....شوف اللي بيصحيك عاد .... وش قالوا لك ميري ابوك انا
يوسف : أقول بلا سخافة وأشوف اللي ما يصحيني
محمد : ايه ايه خير انشا الله انت بس نام
يوسف: محميد سوها وشف
(محمدوهو يأكل لحاله ويتحلطم): كل يوم والثاني متهاوش مع هالطلبة المساكين وجاي معصب ...امحق أستاذ

يوسف دخل غرفته وفي سريره قاعد يدخن ويفكر بالموقف .... يكلم نفسه : وش فيه أنا عصبت عل البنت كذا و أنا وش دخلني أ ذا قالت لسام يا حبي وإلا باللي ما قالت أوووووف استغفر الله يا ربي ..... أنا بكره أبي أقولها تدخل المحاضرة و........لا لا وش أقولها تدخل خلها تتأدب أصلن هي دلوعة وسخيفة أووووووووووووووف أقول أنام أحسن علشان الحق أجيب الكتب اللي ناقصة لي ( قال أخر كلمتين وهو يطفى السجاره ويغطي راسه علشان ينام )

( رفع الغطى عن راسه وقال بصوت عالي): محيميد ياويلك إذا ماصحيتني

محمد مازال يأكل يبوس رجل الدجاجة ويحطه هلى راسه : الحمد لله والشكر

لكن يوسف ما قدر ينام كان يتقلب في فراشه للساعة ست المغرب وقام ولبس ولف في المكاتب القريبة من مكانه ولا لقى الكتب اللي يبيها

وما رجع للبيت إلا في ساعة متأخرة .... وكان قد تعشى مع صديق له عازمه

يوسف: مساء الخير
محمد : قول صباح الخير انت عارف الساعة كم الحين ؟؟؟
يوسف : وانت ليه صاحي للحين
محمد :ما جاني نوم يا وليدي لين اتطمن عليك ههه موهو أنا على اسم ابوك عاد لازم أعيش الدور
يوسف : تصدق مالقيت الكتب
محمد : تبي تدور بكره بعد
يوسف: والله مادري وين اروح انا دورت تقربيا كل المكتبات
محمد: وش بتسوي الحين
يوسف : ابي الف بكره باقي مكتبتين ثلاث ماجيتها ولو اني متأكد ماني بلاقي لكن على الله

في بيت عبدالله الجاسر

صحت مها في وقت متاخر
انزلت الصاله مالقت احد راحت افتحت التلفزيون وقعدة ... المحت الخادمه ونادتها
إليزا ... إليزا
إليزا: نأم (يعني تتكلم عربي مكسر)
مها : اريد ان ااكل انا جائعة جدا ((مترجم))
إليز :من ايوني مس مها
مها: من ايوني هذى اللي خربتا جدتي
طلعت الجده من غرفتها : انتي صحيتي
مها :هااا جدوده أنت للحين صاحية( وهي تسلم على رأس جدتها) وانا اقول هالنور منين
الجده : اجويعانه يمه
مها : شوي
الجدة : قلتي لهم يسوون لك شى
مها: ايه يا حياتي
تركت الجده مها تأكل وهي تناظرها وتقول في نفسها( ايه يا مهيه والله كبرتي وصرتي تخبين عني مشاكلك وانا اللي ربيتك من انتي بالهاد) وتقطع افكارها مها
مها: جدوووده شاركيني .كولي معاي
الجده : عليك بالعافيه يمه
بعد ما خلصت مها من الاكل قامت الجدة وقربة منها ومسحت على سعرها ... وهي تقول بحنان ها يمه قولي لجدتك حبيبتك وش كان مزعلك اليوم
مها بخجل : والله ياجدووده مافي شي يستاهل
الجدة : عاد ابي اعرف وإلا كبرتي علي
مها : ما عاش اللي يكبر عليك (وحكت لجدتها اللي حصل بالتفصيل)
الجده بأنفعال: وش هذا هو يبي يدرسكم والا يطفشكم والله لاعلم ابوك عليه علشان يأدبه ولد ابليس
مها: اهااا علشان كذا ماكنت ابي اقولك انا مابي بابا يتدخل هذا شي ما يستاهل
الجده : اجل يبكيك وتقولين مايستاهل والله اني معلمه ابوك معلمته
مها: لا ياجدووده تري ازعل عليك وماعاد انا بقايله لك شي... امانه وعديني ماتعلمين بابا
الجدة: خلص
مها:قولي وعد
الجدة:قلت خلص بس شوفي الفلم لا يطوفك

اكتفى بهذا القدر من الاحداث

ابي رايكم بصراحه واذا الاحداث ماعجبتكم اتنمى تبليغي باي طريقة علشان انسحب بكرامتي

جمييلة جدآ هذه الرواية
ماشاء الله كاتب خطيرر
+ تم تقييمك
تقبل مروري

تسلمي اختي علي التقيم أنت قدري / بقلمي , كاملة 668079985

امر من صفحاتك وأقف أمامكـ .. صامتة..

من جمال ما أراه

حسن أبداعكـ وصياغتكـ المتقنة ...

فأنا لست ألا نقطة من بحور أبداعاتـكـ

وبوووح قلمكـ نثر ما قد يجول في الأنفس دون استشعااار

هز الوجدان وتزلزلت البقايا الراكده منذ العصور

وماذا يمنع أن تنجو ل في صفحاتك

ونتمتع بما يزرعه قلمك

من فن وإبداع متقن

تقبل مرورى وشكرى

» رواية عيون فارس / كاملة
» الثقة بالنفس ـ بقلمي
» (وهـج الإحساس) نزف روح .. بقلمي
» أسميتها ملاك وجعلت منها شيطان/بقلمي
» أسميتها ملاك وجعلت منها شيطان/بقلمي