خاطري بثلاث زوجات

.


بسم الله الرحمن الرحيم 












بخاطري أعرس !! 


كني أسمع عضو يقول : لا ياشيخ ../!!

والثاني يقول : قل قسم :/ 


ههههــ 


الموضوع مو مسخره السالفه جد ، بخاطري أتزوج بس مو أي زواج ..



كيف يعني ؟؟



بخاطري أعرس على :



1/ كبيره بالعمر ( عمرها من الـ 45 وفوق )

2/ متوسطة العمر ( عمرها من 29 ــ لــ 38 ) 

3/ صغيره العمر ( عمرها من 17 ــ لـ 23 ) 



قولوا ليش !!




أقول لكم :



العجوز : تنومسني وتسولف علي وتطبخ لي أكلات زماان ، الأكلات الشعبيه التي يصعب على بنات هالجيل طهيها ، وكمان تدعيلي قبل نفسها بكل سجده ، وأشكي لها كل همومي وآهاتي ، واستشيرها في أمور كثيره ، وتعطيني بعض الوصفات والعلاجات الشعبيه إذا مرضت ، ولا تسألني وين كنت ومتى ترجع ههــ :/ .. ( أناديها بــ أم فلان ) 


ومتوسطة العمر : لإنها تقدر الزوج والحياة الزوجيه بشكل مو معقول .. لدرجة أنها ربما تسجد لزوجها من شدة توهجها العاطفي والبيتوتي ، وحنونه بدرجة كبيره .. كذلك هي المسؤله عن هندام زوجها وشياكته ، ورش العطر على ملابسه ، وتبخير غترته ، كذلك هي المسئوله عن أكله المفضل ، تحب ترتيب البيت والأتكيت والتفنن بغرفة النوم ، ولها لمسه خاصة في إختيار أثاث المنزل / رسميه ، تحب زيارات الأقارب خاصة أقارب زوجها ، إذا نام زوجها ما تبي أي مخلوق يزعجه / تعطيه الراحه الكامله في النوم " وهذه المرحله العمريه يوجد فيها زوجات نكديات " لكن بشكل ضئيل :/ .. ( أناديها بأسمها الحقيقي )


صغيرة العمر : هذي سبشل / فقط للهو والمرح ، والسفر ، والعلوم الزينه ( والرومنسيه هنا تلعب لعبتها المجنونه ) . طبعاً هذه الزوجه : ممنوع تطبخ ، ممنوع تغسل صحون وملابس ، ممنوع تتعرض لأشعة الشمس ، ممنوع أحد يأذيها أو يزعجها ، مستحيل يرد لها طلب ، أدلعها بشكل مو معقول ــ أدرّسها فنون الغرور والدلع على أصوله .. إيه أبيها تكون دلوعه / مغروره / متكبره / شايفه نفسها / إذا أرادت شيء بس تأشر عليه بأصبعها ويجيها طلبها بالحال هههـــ 
( أناديها بـ نورى العين ، حياتي ، حبيبتي ، صغيرتي ، دلوعتي ، عسولتي ، جميلتي .... أي شيء يزيدها دلع وغرور وسعاده ) 



............. 



أنا لا أقصد بذلك ، التوجه الحقيقي لرغبتي الشخصيه بهذا الطرح ، ولكن هذا هو الواقع الحقيقي لست وسيدة البيت !! 

فلماذا نجد النساء مختلفات في نظام الحياة الزوجيه .. كل على حسب المرحله العمريه التي يعيشها !!

لماذا لانجد ربّات البيوت والزوجات وقد جمعن كل هذه المراحل العمريه ( الكبيره والمتوسطه والصغيره ) في تصرفاتهن مع أزواجهن ، كي تسعد هي وزوجها منذ أول يوم ( ليلة الدخله ) وحتى سن اليأس والهرم !!




أترك لكم حرية الرأي ، والنقاش حول هذا الجانب 



كونوا بخير



.