مواقف طفوليه 1

 بقول لكم قصص من حياتي الطفولليه>>اهم شي
صارت القصه في بيت جدي ابو أمي>>والله فكرت ابوك
المهم
يوم كان عمري 8 سنين كنت وانا وبنات خالتي جالسين في ديك الغرفه اللي في جهة اليسار من ناحيه الغربيه >>أكيد عرفتوها
وفيها تلفزيون من تراث الجاهليه والجلسه ارضيه>>يعني على الارض جالسين>>حلفي عاد فكرت في السما
المهم وفي نص سوالف البزرانيا>>زي طاوبع باربي وفله واخر اخبار دورا تجيني ذيك الفكره اللي ودتنا الى سلاح الخماسي>>الكف
الا وهيا قلت لبنات شرايكم نسوي عجينه
قالت بنت خالتي واسمها رمانه:شنو عجينته انتي تبي تهزيئه
قلت لها:ياغبيه محد بيعرف
قالت بنت خالتي الثانيه واسمها برتقاله:طيب وإذا شافونا
انا:قلت بنسويها في بيتنها
وبيتنا قريب من بيت جدي
قالت بنت الخاله الثالثه واللي اسمها طميطه:طيب إذا سألونا ليش بتروحوا
قلت: بقول لهم بجيب سنفوري وبيت فله >لعبه مكونه من جزم وملابس وأغراض خاصه بفله >>كان يوممها مخي في الاطلنطس سياحه رايح مع اصحابه الله لايردهم من اصحاب يوم أخدوه وخلوني انضرب على قلبي واخدها
اختي فلفله:زين بس انتي بتقولي فهمتي
قلت:وانا ويش اقول من الصبح مالت عليك من أخت
المهم رحنا لأمهاتنا وقلنا لهم ووافقوا بعد ما طلعوا روحنا منها
وطلعنا من بيت الجد الي بيتنا الموقر والمكون من طابقين >وبعدين
رحنا على طول المطبخ ودورنا شفنا مكونات العجينه بس مانعرف كيف نسويها
قالت طميطه وهي تناضرني:كيف تستوي العجينه الحين
قلت لها ببراءه:مدري
قالت رمانه:مدري اللحين جايبتنا هنا ومتعبتنا وأخر شي مدري
اختي فلفله:والله أنتي شلون صرتي اختي مالت عليك ووطلعنا من المطبخ ومن البيت جتني فكره اخيس
قلت لهم:شرايكم ناخدها جاهزه
قالت برتقاله:ناخدها جاهزه كيف
انا:يعني نروح الخباز ..ناخد عجينه ياكثر العجين اللي عنده
قال اختي :إذا كذا السالفه قدام
ورحنا للخباز
وقالت أختي بما انها أكبر منا:نبي عجين
قالها الخباز وهدا هندي مدري بنقالي المهم
:أيش يبي من اجينه>>الترجمه<<أيش تبي من العجينه
قالت رمانه:وانت وش دخلك جيب وانت ساكت
قال:وين فلوس
قلت لها:ليش فلوس
قال:عشان اجينه
قالت فلفله اختي:طيب ليش ماتعطينا ببلاش
قال:مافي اجينه الا بفلوس
وشابقناه بس عشان يعطينا اياها ببلاش
مارضي
المهم طلعنا واحنا متحطمين ونسبه ماخلينا سبه ماقلناها
قالت طميطه:والحين وش نسوي
قالت برتقاله:خلنا نروح البوفيا >>يبيعوا مطبق <<تعرفونهه
رحنا البوفياه وقالت اختي من النافده تبع قسم الحريم:نبي عجينه
المسكين بدون مايسأل شافنا طفلات مسيكينات بريئات عطانا عجين >>شكله ماجاه زباين ذاك اليوم
المهم اخدنا العجين ورجعنا بيت جدي نسينا مانروح بيتنا احنا الخبلات المهم يوم دخلنا البيت
قالت رمانه:ياغبيات ليش دخلتوا بيت جدي<<كأنها مادخلت هي
قالت طميطه:أي والله..ويش نسوي الحين
قلت :خلنا نروح المطبخ بسرعه قبل لا احد يشوفنا
المهم سمعوا كلامي الغبيات >>ماكأن أنتي بعد غبيه
ورحنا المطبخ حطينا العجين اللي كان في كيس على الكبت
وقالت برتقاله:احد يشوف الوضع
قالت رمانه:انا بشوف الوضع وراحت ومن حسن الحظ الاهل مسويين أجتماع >>الين هاليوم ماعرفت عن ايش هاالاجتماع
جت تبشرنا رمانه بالخبر>>ينقال إجازة يوم السبت بسبب هطول امطار شديده المهم
فرحنا بهالخبر سكرت باب المطبخ وبدت طبختنا الجميله
:طلعنا العجينه
وقالت أختي فلفله:العجينه كبيره شرايكم نقسمها كل وحده تاخد عجينه
وافقنا وبكل حماس
بدت أختي تقطع العجينه وتعطي كل وحده فينا
انا اقترحت وحده وحده وانشوف أي عجينه أحلى
وبدت خلطتنا ااا قصدي طبختنا الجميله
بقول لكم كل وحده شنو سوت في العجينه
الاوله
رمانه:اول شوي سوت حطت ماي في العجينه وبدت تخلطها بأيدها>>رزيله بقوه>>ينقال تقلد امها المهم وبعدها حطت سكر وملح وبدت تخلط تخلط سكرتها بغطا وقالت خلصت
قلت لبرتقاله دورك
برتقاله ترددت اول وبعدين وافقت وياليتها ماوفقت
برتقاله:اول ماسوت في العجينه فردتها وجابت فلفل وبهارات من كل شي ..وحطته في العجينه ..زين ماحطت راسها
وبعد ماعفستها من البهارات خلصت وسكرتها>>ينقال تخترب ييعني
وقفت جا الدور علي
ياحلوني انا
اول ماسويت فردتها مثل برتقاله بس بعدها جبت هذي اللي تسوي اشكال للعجين مدري وش اسمها>>وش كبرك وش عرضك ماتعرفي اسمها.. وكان شكلها دائريه وتسوي اشكل دائريه>>حلفي فكرت مربعيه
وبديت اسوي اشكال وبعد ماخلصت اخدت وحده وحده وسويت فيها اشكال كان ودي ارسم وجهه باربي من البهارات >>ينقال تزيين الا تخريب
المهم وكلها نفس شكل >>وياريت مثل وجهها انقلب من باربي الفرنسيه الى جدة باربي البنقاليه خخخ
وخلصت وسكرتها
جا دور أختي فلفله>>الي اشك انها في ذاك اليوم تشاهد مدينة المعلومات>>تذكرونه كان يجيبوه الساعه 6 الصباح في سبيستون قناة شباب المستقبل>>مره عرفوه كملي بس كملي الله يكملك بعقلك
وكان هذا مدينة المعلومات يجيبوا حياة الحشرات والثعابين ومن مخلوقات ربي>>صدق تتتت يو مادرينا
المهم شكلها ذاك اليوم شايفه عن حياة الثعبان
وبدت تسويها على اشكال ثعبان>> اول شي تسوي تاخد قطعه من العجينه وتسويها في ايدها كانه سوار وتقول صارت ثعبان >>اشك اختي حوله
وبعد ماسوت الثعبان على قولتها جت
بنت خالتي الرقيقه المجوهريه طميطه:وقالت انا بسوي محل مجوهرات بالعجين
قالت برتقاله:انشوف..زين ماسويتي بركان من عجين هه>>وش دخل مدري
المهم بدت المجوهريه طميطه تسوي مجوهراتها:وسوت خاتم واسوار وسلسال>>انا اشك الكل سواها
بعد ماخلصت وخلص طبخنا كل وحده طفشت من
عجينتها وقررنا نخلي باقي الطبخه لسبوع الجاي
شلون
ابد مسأله بسيطه>>ينقال رياضيات مو عجين
اخدنا طبيخنا وحطيناها في صينيه كبيره وبعدين جبنا ماي وكتيناه في الصينيه >>ناقصين حنا..مو كافي خبصة رمانه وتلاختها
وسكرناها عشان لاتخرب وتطلع روائح نتنه>>متعوب عليها الكلمه
وبعدها حطيناها فوق الرف عشان لا أحد يشوفها
المهم احنا بعدها رجعنا بيوتنا الموقره وكل وحده نسيت العجينه وناسيين ابو ابو العجينه
ومر اسبوع
طبعا في بيت جدي
مساكين مايدرون من وين الروائح طالعه
هههه
المهم
جا يوم الخميس يوم تجمع الاهل
ووكل من دخل سكر خشمه >>ينقال تتوحم
واحنا البنات الخبلات اللي مافي اخبل منا في طفولتنا الموقره
ماندري انا هالروائح من العجينه..سمعوا شنو نقول
انا:وعععع وش هالريحه الخايسه ..شنو سونيا>>الخدامه<<
ماتنظف البيت
رمانه:لا ما أعتقد ..يمكن حمامه ميته
طميطه:او يمكن قط ميت وطلعت ريحته
انا والبنات:يمكن>>انا في هالوقت اكتشفت انا احنا بهايم

المهم بدا بحث الامهات عن مصدر الرائحه وبينما نحن برى في الحوش ننتظر بحث الامهات الي هم لجنة النظافه
وقلنا لسونيا إذا شفتو المصدر يخبرونا
انتظرنا وانتظرنا وطفشنا ودخلنا داخل وكانت الطامه الكبرى انه هم في المطبخ طبعاً العجينه ماتنشاف لأنها في الوسط حاطينها وبعيد
المهم خالتي كلما قربت من رف تزيد الرائحه قالت:الريحه من هنا وبدت تفتح درج درج هي وامي بس ماشافوا شي
طبعا احنا هني اذكرنا العجينه
قالت امي لسونيا جيبي كرسي
هنا طاحت قلوبنا في مخباتنا
جابت سونيا الكرسي لأمي وركبت وشافت مصيبتنا :وقالت :مين حاط دي هنا
نزلت امي من على الكرسي
والامهات مستغربين حتى طلعوا في سونيا مسكينه
يفكروها هي
بس احنا تجرأنا وقلنا كل شي
وهني يجي السلاح الخماسي من امهاتنا
وعاقبونا ننظف البيت ونودي هالروائح الى خارج المنزل>>بتنتحر الفصحه
وانا واختي ماكفت امي في بيت جدي استلمت الباقي في البيت وتجيك ديك التكفيخات سلاخ خماسي وشد شوشتنا اللي راح نص شوشنا في ايد امي هههه
وخلتنا ننظف البيت بعد ماتكسرت ظهورنا من بيت جدي
وتبينا ننظف
بس جد جد يوم ماينسي
أنتبهوا تجربوا هده الحركات في البيت او المدرسه او بيت جدك خاصةً ه
ان شاء الله تستانسو
وإذا عجبكم موقفي لي مواقف اخر اقولها لكن بعد ما أشوف ردكم وتقييمكم
مع تمنياتي لكم بكل خير وصحه وسلامه
بطوله عسل..رمانه..برتقاله..طميطه..فلفله

مواقف الطفولة لا تنسى
شكرا على الموضوع الطريف
تحياتي

ههه

صحيح

شكرا لك